ENG. KUNDO AKABIDHI SADAKA MSIKITINI, ASISITIZA MALEZI KWA WATOTO.

Mbunge wa Jimbo la Bariadi mjini, Mhandisi Kundo Mathew ambaye pia ni Naibu Waziri wa Maji, akisalimia na Shekhe wa Mkoa wa Simiyu, Issa Kwezi.

Na COSTANTINE MATHIAS, Bariadi.

‎WAUMINI wa dini ya kiisalamu wametakiwa kuwalinda na kuwalea watoto na vijana katika misingi ya dini na Elimu dunia ili kujenga jamii imara na yenye misingi thabiti.

‎

‎Aidha kupitia mafundisho ya dini watajenga jamii yenye unyenyekevu na kuwekeza katika matendo mema ili kujenga Taifa zuri lenye misingi ya imara.

‎

‎Hayo yamebainishwa leo na Mbunge wa Jimbo la Bariadi mjini, Mhandisi Kundo Mathew ambaye pia ni Naibu Waziri wa Maji, wakati akitoa msaada wa vyakula katika mfungo wa mwezi Mtukufu wa Ramadhan, katika Msikiti wa Ijumaa na kusema kuwa Taasisi za dini na serikali zinawekeza katika sekta ya Elimu.

Mbunge wa Jimbo la Bariadi Mjini, Mhandisi Kundo Mathew ambaye pia ni Naibu Waziri wa Maji (kulia) akionyesha na kumkabidhi Shekhe wa Mkoa wa Simiyu Issa Kwezi, mahitaji aliyowapatia waislaamu.

"Serikali ya Rais Dkt. Samia imewekeza katika sekta ya Elimu, vitendea kazi na walimu, tusisite watoto kupeleka Shule" amesema

‎

‎Mhandisi Kundo amewataka waumini na viongozi wa dini kuendelea kuombea amani na utulivu, pia kuwaombea viongozi wa kitaifa ili waendelee kufanya kazi kwa mapenzi ya Mungu.

‎

‎Amesema kuwa amani ya nchi inatokana na swala na sala na kwamba bila utaratibu wa kuswali watenda zambi na uhalifu hautapungua.

‎

Mbunge wa Jimbo la Bariadi Mjini, Mhandisi Kundo Mathew ambaye pia ni Naibu Waziri wa Maji (kulia) akikabidhi tende kwa Shekhe wa Mkoa wa Simiyu Issa Kwezi.

‎Shekhe Mkuu wa Mkoa, Isa Kwezi amesema katika dini ya uislamu Elimu ni lazima na siyo hiari kwa Wanawake na wanaume.

‎

‎Amesema kuwa pamoja na Elimu za madrasa zinazofundisha madili, heshima, busara na adabu katika Elimu ya dini. na kusisitiza kujifunza Elimu ya Mazingira.

‎